Чингэс үү? Чингис үү?

Ноднин уу? Нодлин уу?

Саяхан түрүү юу? Аль эсвэл саяхан түрүүн үү?

Цагариг гэж бичихүү? Цагираг гэж бичих үү?

Шүдэнз гэх юмуу? Аль эсвэл Чүдэнз гэх юм уу?

Ринчин ринчен рэнцэн аль нь зөв юм бэ?

Халхын голуу юмуу Халх гол юмуу?

Бямба гараг гээд байгаа юмуу,гариг гээд байгаа юмуу?

За тэгээд цаашилбал Балданы гэх нь зөв үү?Балдангийн гэх нь зөвүү? Ы, ИЙН 2 2уулаа харьяалахын тийн ялгалын нөхцөл.Алийг нь авах нь зөв бэ? БАЛДАНГИЙН гэх нь зөв гэж бодож байгаа хүн тайлбарлаж чадах уу? БАЛДАНЫ гэх нь зөв гэж байгааг бас тайлбарлаж чадах хүн байн уу?...Байхгүй л байх...Сурагч нь багшаасаа ийм асуулт тавьбал хариулж чадах багш байгаа болуу?

Юу гэж хэлэх гээд байна вэ гэвэл бид харь үсэг буюу кирил үсгийг хэрэглэж байгаа нь энэ бүх манаралтын гол үндэс нь болж байгаа юм.Кирил үсэг ашигласнаар кирил үсгийн дүрэм нь алхам тутамд,үг болгон дээр өөр өөр болон хувирч, бидний монгол хэлийг улам турааж,түүхий хэл болгож , булингартуулж байна. Монгол бичиг маань байсан бол бүх юм ондоо БАЛДАН гээд Н-р төгссөн байвал шууд л У залгаад л БАЛДАН-У гэж бичээд л хэний ч толгой эргэхгүй явах байлаа.

Энэ мэт алдаанууд сонингийн эхний нүүрнээс эхлээд л ажиглагдаад эхэлнэ. Зөвхөн сонин сэтгүүл ,мэдээ мэдээлэл,зар сурталчилгаанууд энэ мэт алдаануудаар хязгаарлагддаг бол бас яая гэхэв...Нүд балай,чих дүлий өнгөрч болно...Хамгийн гол нь энэ бүх алдаанууд өгүүлбэрийн утга санааг эргүүлээд байхаар бүх юм хамаагүй түгшүүртэй болж  эхлээд байна. Нэгэн жишээ авий...СУРАГЧИД НОМ ӨГЛӨӨ гэж нэг өгүүлбэр байг...Энэ өгүүлбэрээс 2 утга гарна...ОЛОН СУРАГЧ НОМ ӨГСӨН гэж нэг утга гарж ирнэ,СУРАГЧ ХҮМҮНд НОМ ӨГСӨН БАЙНА гэдэг 2 утга гарж ирнэ...2 ондоо утга уншсан хүнээсээ шалтгаалаад өөр харагдах болно...

Монгол Бичиг-г зарим хүмүүс хэрэглэж яах юм,галиг ондоо,хэцүү гэх мэтээр их гоочилдог. Гэтэл Дээр иш татсан СУРАГЧТАЙ жишээ зөвхөн энэ тэндхийн сонин сэтгүүлийн нийтлэл биш,харин тусгаар улсын Үндсэн хуульд гарч ирвэл яах вэ?.Салаа утгын алингаар нь явах вэ?...Тусгаар улсын үндсэн хууль нь энэ мэт алдаа мадагтай бичигдсэн гэхээр аймар бишүү? Үндсэн хууль алдаатай бол яаж энэ олон гадаад компани,энэ олон газар малтдаг компани энтэрийг барих вэ?...Алдаатай бичигдсэн хуулийг дурын хүн нь гуйвуулаад байхаар балай байгааздэ.Тэхээр энэ бүхний гол үндэс нь Монгол хэл,арван жилийн боловсролдоо байгаа юм биш бидний хэрэглэж байгаа бичигтээ байгаа юмаа...Тэгвэл Монгол бичгээр дээрх өгүүлбэрийг бичиж үзий : хэрэв сурагч хүнд ном өгсөн бол СУРУГЧИ ДУР НОМ ӨГБЭ...харин олон сурагчид ном өгсөн гэх утгыг харуулах бол СУРУГЧИД НОМ ӨГБЭ...гэнэ...2уулаа тусдаа утгатай, мөн өгүүлбэрийг нь уншаад л тухайн өгүүлбэр юуг илэрхийлэх гэж байгааг шууд мэдэж болж байна...

Тэхээр дүгнэлт хийвэл ӨВӨГ ДЭЭДСИЙНХЭЭ бичигт орох цаг болсон юм бишүү?...

Галиг ондоо гээд л их зүхдэг.Галиг ондоо болохоор хэцүү гээд сурдаггүй.
Гэтэл бидний сураад болоод байгаа анлги хэлэнд бид ГИРЛ гэж биччихээд ГЁОРЛ гэж уншдаг.ЖУМП гэж биччихээд ЖАМП гэж уншдаг. Монгол бичиг яг үүнтэй л адил...

Хэдэн мянган ханзтай хятад япон хэл сураад болоод байхад монгол бичиг хажууд нь хэд дахин амар байх л ёстой доо...

1000+ жил хэрэглэж ирсэн,төгсөрч гүйчсэн,боловсорсон,хөгжингүй болсон бичигээ хэрэглэхүү ? Аль эсвэл 70д жил хэрэглэсэн,Сталины шахалтаар хэрэглэж эхэлсэн,Оросын Колони гэдгийн хамгийн том нэрийн хуудас болсон энэ кирил бичгийг хэрэглэх үү?...